جسر المحبه

على الوعد جيت لك والشوق يدفعني
مشتاق شوق السجين لحظه افراجـه



ذبحتني في غرامـك يـا مولعنـي
والروح في وصلكم بلحيل محتاجـه



بيني وبينك احس بشـي يجذبنـي
في وسط قلبي اهموم وحزن دواجه



هذي مفاتيـح قلبـي اخذهـا منـي
وعطني مفاتيح قلبك يـوم نتواجـه



اموت في نظـره اعيـون تعذبنـي
وشخصك انا ماكتبت الشعر لحراجه



ليتـك معـي دايمـا ولا تفارقنـي
انا ظلام بدونـك وانتـه اسراجـه



جسر المحبه مسوينه وانـا المعنـي
في بحر حبك غرقت وزادت امواجه



وبحر المحبه خذاني لـك وسلمنـي
دشيت موج الغـرام وزاد بهياجـه



دقيت بابك طلبـت انـك تعالجنـي
ويدق بابك مريض ن يطلب اعلاجه



وانا بدونك اضيع اضيع صدقنـي
روحي لروحك تراها حيل في حاجه



للشاعر فرج المري