الله يكون في عون المعرس

--------------------------------------------------------------------------------

تخيلووووووو في وسط الحضور يدخل واحد ويقول قصيدة في العروسة للمعرس
ترى ، كيف ستكون
ردة فعلــــــــه؟؟


أبد ما جيت أبـــارك لك ولكن جيت باوصيك
على الله ناوي(ن) تدخــل بها اللـيله معذبتي
ترى لولا الظروف اللي عطّـتك وحدّت محاكيك
قسـم بالله مــا تدخل عليـها لو على رقبتي
ولكن النصيب أقوى ولاادري ويش اسوي فيك
نعم صارت معزبتك,, ولا صــارت معزبتي
كذا شـاءت بنا الأقـدار تحرمني لجل تعطيك
كذا لازم عشان تفوز انت,,أنا اخـسر بتجربتي
تراها غاليـة جدا..وتكفى.. والله يخليـــك
تدللـها..تدلعـها ..تنسّــــيها مصاحبتي
أنا من كثر ما اغليها أحس اني بديت أغلـيك
ولاتسـأل بأيـة حـق والا وش مناســبتي
لأنك لو بتسألـني بتسمـع شي مــا يرضيك
لذا يا خـــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتـــادت على كثرة مداعبتي
فداعبـها شـوي شوي حـتى تشتهي طاريك
وشاغبها إلـيـن تقول: بـطّـل من مشاغبتي
واذا هـي مالها خلـقك,,ولا تضحك ولا تسليك
تحمّلـها وإسألـها :ياعمـري ليه عصّبـتي
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـها ومعك العقـد بالتمليـــك
وانا عـارف حدود الله ومن حــقــك معاقبتي
ولكن قل لها : المجنون وصّـــاني وهو يعنيك
يقـول انه بيـنـتظـرك لوشـيّـب وشـيّـبتي
وانا مجنونها اللي مـا نساها وانششت مايمديك
تغـطي ذكريـاتي.. في هواهـا و ربع تجربتي
أحس اني تماديت بكلامي,, والغضب حـاديـك
ولو انك في مـكاني ما تفكر في محــاسبتي
كفاك اني تركت الليــله أشغالي عشان أجيك
دخلت القاعة برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
أنا جيتك عشـان أخاطـبك واسمع مخـاطبتي
توصّـى وانتبه... واحرص عليها والله يهنيك
ترى كل الكلام اللي طلع من ضيقي وكبـتـي
ولكن ما قدرت اني أقوله وانت مايخفـــيك
أخـاف اني اذا قلته تقوم وتقطـع رقبــتي